Hytaý şu ýylyň ýanwar — aprel aýlarynda Türkmenistandan umumy bahasy 2,87 milliard dollar bolan tebigy gazy satyn aldy. Bu görkeziji geçen ýylyň degişli döwründen bir ýarym esse ýokarydyr.
Bu barada Hytaýyň Baş gümrük gullugy habar berýär. 4 aýyň dowamynda Türkmenistanyň tebigy gazynyň 2,87 milliard dollarlyk möçberi Hytaýa iberildi. Türkmenistan turba geçirijiler arkaly Hytaýa tebigy gaz ýerlemekde ynamly ornuny saklap galýar.
Bu ugurda ikinji orny Russiýa (1.04 mlrd), üçünji orny bolsa Mýanma (405.1 mln) eýeleýär. Dördünji we bäşinji orunlary degişlilikde, goňşularymyz Gazagystan (270.6 mln) we Özbegistan (132.8 mln) eýeleýär.
Türkmen gazy Hytaýa 2009-njy ýylda ulanmaga berlen asyryň iň uly taslamasy bolan Türkmenistan-Hytaý gaz geçirijisi arkaly iberilýär.
Türkmenistan özüniň energiýa çeşmelerini diwersifikasiýa ýoly bilen daşary ýurt bazarlaryna ibermäge uly ähmiýet berýär.
Türkmen gazyny Gazagystana ibermek boýunça ylalaşyklar gazanyldy