Azerbaýjanyň Türkmenistandaky ilçisi Gismat Gozalow Türkmenistanyň Mejlisiniň Başlygynyň orunbasary Gahryman Rozyýew we Türkmenistan–Azerbaýjan parlamentara gatnaşyklar boýunça dostluk toparynyň başlygy Annamuhammet Sarjaýew bilen duşuşdy.
Duşuşykda Azerbaýjan bilen Türkmenistanyň arasyndaky doganlyk gatnaşyklarynyň, şeýle hem strategik hyzmatdaşlygyň dürli ugurlarda üstünlikli ösdürilýändigi bellenildi. Azerbaýjan we türkmen halklarynyň arasynda bar bolan taryhy, medeni, etniki, dil we dini umumylyklaryň ikitaraplaýyn gatnaşyklaryň berk binýadyny düzýändigi nygtaldy.
Soňky döwürde Azerbaýjan-Türkmenistan gatnaşyklarynyň ösüş depgininiň kanagatlanma döredýändigi bellenildi. Şunuň bilen baglylykda, 2025-nji ýylda Azerbaýjan Respublikasynyň Prezidenti Ilham Aliýewiň Türkmenistana sapary, Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Azerbaýjana saparlary, şeýle hem ýokary derejeli özara gatnaşyklaryň ikitaraplaýyn gatnaşyklaryň mundan beýläk-de pugtalandyrylmagyna möhüm goşant goşandygy bellenildi.
Şeýle hem 2026-njy ýylyň iýun aýynyň 22-23 senelerinde Türkmenistanyň Prezidenti Serdar Berdimuhamedowyň Azerbaýjana döwlet saparynyň ähmiýeti nygtaldy. Saparyň çäklerinde Azerbaýjanyň we Türkmenistanyň Prezidentleri tarapyndan Bilelikdäki Beýannamanyň we dürli ugurlary öz içine alýan resminamalaryň gol çekilmeginiň ikitaraplaýyn hyzmatdaşlygyň hukuk binýadyny mundan beýläk-de giňeltmek nukdaýnazaryndan möhüm ähmiýete eýedigi bellenildi.
Duşuşykda parlamentara hyzmatdaşlygyň häzirki ýagdaýy we ösüş mümkinçilikleri barada pikir alşyldy. Mejlis başlyklarynyň we deputatlaryň, şeýle hem parlamentara dostluk toparlarynyň derejesinde özara saparlaryň, duşuşyklaryň we göni gatnaşyklaryň artdyrylmagynyň iki ýurduň arasyndaky gatnaşyklaryň mundan beýläk-de çuňlaşdyrylmagyna hyzmat edýändigi nygtaldy.
2022-nji ýylda Aşgabatda iki ýurduň parlamentleriniň arasynda hyzmatdaşlyk baradaky Ähtnamanyň gol çekilmeginiň parlamentara gatnaşyklaryň institusional esaslaryny pugtalandyrmak babatda möhüm ädim bolandygy bellenildi. Şeýle hem 2025-nji ýylyň iýul aýynyň 16-na Türkmen halkynyň Milli Lideri, Türkmenistanyň Halk Maslahatynyň Başlygy jenap Gurbanguly Berdimuhamedowyň Azerbaýjana saparynyň çäklerinde Azerbaýjanyň Milli Mejlisiniň Başlygy hanym Sahiba Gafarowanyň bilen duşuşygynyň parlamentara gatnaşyklaryň ösdürilmegi babatda möhüm ähmiýete eýe bolandygy nygtaldy.
Şeýle hem 2025-nji ýylda Azerbaýjanyň Milli Mejlisiniň Başlygy hanym Sahiba Gafarowanyň Awazada LLDC3-iň çäklerinde Parlamentara forumyna gatnaşmagy we Türkmenistanyň Mejlisiniň Başlygy hanym Dünýägözel Gülmanowa bilen duşuşygynyň parlamentara gatnaşyklaryň ösdürilmegine möhüm goşant goşandygy bellenildi. Şol bir wagtyň özünde, Azerbaýjanyň Milli Mejlisiniň Başlygy Sahiba Gafarowa bilen Türkmenistanyň Mejlisiniň Başlygy Dünýägözel Gülmanowanyň arasynda 2026-njy ýylyň maý aýynyň 14-ne Buharada geçirilen duşuşygyň parlamentara gatnaşyklaryň ösdürilmegine goşan goşandyna üns çekildi.
Taraplar, şeýle hem Azerbaýjanyň we Türkmenistanyň parlamentleriniň sebit we halkara parlament platformalarynyň çäklerinde hyzmatdaşlygyny, maslahatlaşmalaryň dowam etdirilmegini we özara goldawyň görkezilmegi meselelerini ara alyp maslahatlaşdylar.
Duşuşyk wagtynda özara gyzyklanma döredýän beýleki meseleler boýunça-da pikir alşyldy.