Türkmenistan 2026-njy ýylda Merkezi Aziýanyň Baştutanlarynyň konsultatiw duşuşygyna başlyklyk eder. Bu barada Özbegistanyň Prezidenti Şawkat Mirziýoýew Daşkent şäherinde geçirilen Merkezi Aziýa döwletleriniň Baştutanlarynyň VII konsultatiw duşuşygynda eden çykyşynda belläp geçdi.
– Türkmenistanyň Prezidenti, hormatly Serdar Berdimuhamedowy 2026-njy ýylda Merkezi Aziýa döwletleriniň Baştutanlarynyň konsultatiw duşuşygyna başlyklyk etmegi bilen tüýs ýürekden gutlaýaryn. Bu duşuşyk “Merkezi Aziýa+Azerbaýjan” täze görnüşinde geçirilýär – diýip, Özbek Lideri belledi.
Şeýle hem özbek Lideri Türkmenistany öňde boljak başlyklyk döwründe hemmetaraplaýyn goldaw bermäge taýýardyklaryny we bu babatda üstünlikler arzuw etdi.
Mälim bolşy ýaly, Türkmenistan mundan ozal, 2021-nji ýylda “Awaza” milli syýahatçylyk zolagynda Merkezi Aziýa döwletleriniň Baştutanlarynyň konsultatiw duşuşygyny geçiripdi.