Tatarystanyň Baştutany Rustam Minnihanow iş sapary bilen Türkmenistana geldi. Belent mertebeli myhman Russiýa Federasiýasynyň Prezidenti Wladimir Putiniň ýolbaşçylygyndaky wekiliýet bilen Aşgabatda geçiriljek Magtymguly Pyraga bagyşlanan halkara foruma gatnaşar.
Rustam Minnihanow bu saparyň çäklerinde birnäçe ikiçäk duşuşyklary geçirer.
Aşgabatdaky saparynyň çäklerinde Magtymguly Pyragynyň doglan gününiň 300 ýyllygyna bagyşlanan “Döwürleriň we siwilizasiýalaryň özara arabaglanyşygy — parahatçylygyň we ösüşiň binýady” atly halkara foruma köp sanly döwletiň Baştutanlary hem-de halkara we sebit guramalaryň ýolbaşçylary gatnaşar.