Italiýanyň “Roma” toparynyň düzüminde çykyş edýän eýranly futbolçy Serdar Azmun bu toparyndaky ilkinji goluny geçirdi.
“Roma” topary ýurduň çempionatynyň 11-nji tapgyrynyň çäklerinde “Leççe” topary bilen duşuşdy. Duşuşyk 2:1 hasabynda rimlileriň peýdasyna tamamlandy. “Roma” toparynyň düzmüinde Serdar Azmun we Romelu Lukaku tapawutlandy. Bu futbolçylaryň ikisi hem oýnuň ikinji ýarymyna goşulan goşmaça wagtlarda tapawutlandylar.
– Biz bu duşuşygyň kyn geçjekdigini bilýärdik. Ýöne özümize bolan ynamy ýitirmedik. Men bu pursata köp garaşdym. Munuň üçin hem yzygiderli türgenleşdim. Men bu şäheri gowy görýärin. Ilkinji golumy maşgalama – ene-atama we aýalyma bagyşlaýaryn – diýip, Azmun ilkinji goly barada teswir berdi.
“”Roma” topary Azmuny Germaniýanyň “Baýer” toparyndan satyn almak şerti bilen 12 million ýewro bir ýyllygyna kärendesine aldy. Azmun 1,5 ýyl Germaniýada oýnap, 44 duşuşykda 5 gezek tapawutlandy.