Şu gün sanly ulgam arkaly geçirilen Ministrler Kabinetiniň mejlisinde “Senetçilik we amaly-haşam sungaty dünýä halklarynyň mirasynda” atly halkara festiwalyna görülýän taýýarlyk barada hasabat berildi.
“Watan” habarlar gepleşiginde bellenilip geçilişi ýaly,12-14-nji oktýabry aralygynda geçiriljek festiwala dünýäniň dürli döwletleriniň wekilleri gatnaşmaga isleg bildirýär.
Halkara festiwalyň çäklerinde birnäçe medeni çäreleri geçirmek göz öňünde tutulýar. Bu babatda Türkmenistanyň Prezidentine “Senetçilik we amaly-haşam sungaty dünýä halklarynyň mirasynda” atly halkara festiwalynyň meýilnamasy hödürlendi.
Türkmenistanyň Prezidenti bu festiwalyň daşary ýurt döwletleri bilen netijeli medeni-ynsanperwer gatnaşyklaryň hemmetaraplaýyn ösdürilmegine ýardam berjekdigini belledi.