Luwrda talaňçylyk 19-njy oktýabrda bolup geçdi. Üç sany jenaýatçy Parižiň baş muzeýiniň penjiresini döwüp, awtoulag wyşkasynyň kömegi bilen içeri girip, Napolýonyň şaý-sepleri ýygyndysyndan gymmat bahaly şaýlary ogurlady.
Fransiýanyň medeniýet ministri Raşida Datiň bellemegine görä, talaňçylyk birnäçe minut dowam edipdir. Fransiýanyň içeri işler ministri bolsa, talaňçylygyň 7 minut dowam edendigini belleýär.
Ol bu barada şeýle diýdi: “Biz ogurlyk baradaky maglumat alnandan birnäçe minut soň ýere geldik. Tutuş operasiýa takmynan dört minut dowam etdi — gaty çalt amala aşyrylypdyr”.
MUZEÝDEN OGURLANAN ZATLAR:
* Napolionyň şaý-sepler ýygyndysyndan dokuz sany zat ogurlandy.
“Le Parisien” gazetiniň habaryna görä, muzeýiň golaýynda imperator aýaly Ewgeniýanyň (Napolion III-iň aýaly) döwülen täji tapyldy. Soňra başga bir gymmatly şaý hem yzarlanyp tapyldy.
Dünýäniň her ýyl köp sanly daşary ýurtly jahankeşdelerini özüne çekýän Luwr muzeýinde iň uly talaňçylyk 1911-nji ýylda amala aşyrylypdy. Şonda meşhur Leonardo da Winçiniň “Mona Liza” eseri ogurlanypdy.