Şu gün Gazagystan Respublikasynyň Prezidenti Kasym-Žomart Tokaýew Gazagystanyň halkyna ýüzlenme bilen çykyş etdi. 1 sagatdan gowrak dowam eden çykyşynyň barşynda Prezident Kasym-Žomart Tokaýew wagtyndan öň prezident saýlawlarynyň geçirilmegi, şeýle hem ýurduň täze ykdysady ugrunyň görkezijileri barada çykyş etdi.
Gazagystanyň Prezidenti Kasym-Žomart Tokaýew, Prezidentiň ygtyýarlyk möhletini gaýtadan saýlamak hukugy bolmazdan ýedi ýyla çenli çäklendirmegi teklip etdi.
– Prezidentiň möhletini diňe bir möhlet, ýagny, 7 ýyl bilen çäklendirmegi teklip edýärin. Häkimiýetiň emele gelmegi we işlemegi üçin siwilizlenen ýörelgeleri döretmeli. Täze Prezident ulgamy syýasy durnuklylygy, Gazagystanyň jemgyýetçilik gurluşynyň durnuklylygyny güýçlendirer – diýip, Kasym-Žomart Tokaýew Parlamentiň palatalarynyň bilelikdäki maslahatynda eden çykyşynda aýtdy.
Şeýle hem Prezident Tokaýewiň çykyşyndan öňe sürlen başlangyçlar şeýle:
- 2023-nji ýylyň ortalaryna çenli Gazagystanyň syýasy gurluşygyny täzeden döretmegi teklip etdi.
- Şu ýylyň güýzünde wagtyndan öň prezident saýlawlaryny geçirmek göz öňünde tutuldy. Meýilnama boýunça, prezident saýlawlary 2024-nji ýylda geçirilmeli.
- Täze syýasy döwrüň başlanmagy üçin prezidentiň ygtyýarlyk möhletini 7 ýyl edip, bir gezek saýlanmak hukugynyň berilmegi teklip edildi. Mundan ozal, 5 ýyl möhlet bilen 2 gezek saýlanmak hukugy bardy.
- Geljek ýylyň birinji ýarymynda ýurduň Mejlisinde (parlamentiň aşaky palatasy) wagtyndan öň saýlawlary geçirmek meýilleşdiriler.