Sport lybaslary boýunça dünýä belli «Adidas» we «Puma» markalaryny esaslandyryjylaryň, aslynda, aga-inidigini bilýärdiňizmi? Bu markalary doganlar Adolf («Adidas») we Rudolf («Puma») Dasslerler esaslandyrdy.
Dogry, iki dogan bütin ömrüne biri-birine bäsdeş bolup ýaşady. Ilki başlarda olar bir aýakgap kärhanasynda bile işleýärdiler. Ýöne soňra özbaşdak önümçilige bolan isleg doganlaryň ýollaryny aýyrdy. Şeýlelikde, olaryň her haýsy öz kärhanasyny we markasyny esaslandyrdy. Bu bäsdeşlik doganlaryň ömrüniň ahyryna çenli dowam etdi.
Taryhy maglumatlara görä, aradan çykmazyndan öň doganlaryň ikisi hem ýaraşyp, güýçlerini birleşdirmegi isläpdirler. Ýöne duşuşmak we birleşmek olara nesip etmändir. Diňe 2009-njy ýylda «Adidas» we «Puma» kompaniýalarynyň ýolbaşçylary güýçleri birleşdirmek barada ilkinji ädimleri ätdiler.
Açyk Gapylar : Telekommunikasiýalar we informatika instituty