Angliýanyň milli ýygyndysynyň futbolçysy Entoni Gordon «Nýukasldan» Ispaniýanyň «Barselona» toparyna geçdi. Bu barada «Barselonanyň» metbugat gullugy habar berýär.
25 ýaşly oýunçy bilen şertnama 2031-nji ýylyň tomusyna çenli möhlet bilen baglaşyldy.
Gordon 2023-nji ýyldan bäri «Nýukaslda» oýnap gelýärdi. Ol topar bilen bilelikde 2024/25 möwsüminde Angliýanyň liga kubogynyň eýesi boldy. Angliýanyň çempionatynyň geçen möwsüminde geçiren 26 oýnunda futbolçy 6 gol geçirdi. Mundan ozal ol «Ewerton» toparynda oýnapdy.
Gordon Angliýanyň milli ýygyndysynyň düzüminde 17 oýun geçirip, 2 gol geçirdi. Ol 2024-nji ýylda geçirilen Ýewropa çempionatynyň kümüş baýragynyň eýesi.