30-31-nji maýda Türki Döwletleriň Gurmasynyň Baş sekretary Bagdad Amreýew Özbegistanda saparda bolýar. Bu barada ýerli metbugatda habar berilýär.
Özbegistanyň Daşary işler ministrliginiň habaryna görä, Türki Döwletleriň Gurmasynyň Baş sekretary Bagdad Amreýew saparynyň çäklerinde birnäçe ministrliklerde we pudak edaralarynda gepleşikler geçirer. Şol gepleşiklerde gurama bilen Özbegistanyň arasynda dürli ugurlardaky gatnaşyklar maslahatlaşylar.
Şeýle hem guramanyň Özbegistanda geçiriljek ýokary derejeli sammitine görülýän taýýarlyklar baradaky meselelere garalar.
Mundan başga-da, Özbegistanda guramanyň ulag ministrleriniň hem-de oba hojalyk ministrleriniň geňeşiniň mejlisleri boýunça pikir alyşmalar bolar.
Üstümizdäki ýylda Türki Döwletleriň Gurmasynyň Oba hojalyk forumy bilen bir hatarda birnäçe çäreleri Özbegistanda geçirmek göz öňünde tutulýar.