Türkmenistanyň “Ahal” toparynyň baş tälimçisi Serdar Geldiýew we toparyň kapitany Elman Tagaýew AFK-nyň Çempionlar ligasynyň çäginde Özbegistanyň “Pahtakor” topary bilen geçirjek duşuşygynyň öňüsyrasynda metbugat ýygnagyna gatnaşdy.
– Ilki bilen, “Pahtakor” toparyny gyzgyn garşylandygy üçin minnetdarlyk bildirýärin. Biz bu duşuşyga oňat taýýarlyk gördük. “Pahtakoryň” ýeňiş gazanmak üçin islegi ýokary. Sebäbi topar entek bu ýaryşda ýeňiş gazanyp bilmedi. Biziň hem öz meýilnamalarymyz bar – diýip, tälimçi Serdar Geldiýew belledi.
Futbolçy Elman Tagaýew hem duşuşyga örän gowy taýýarlyk görendiklerini belläp, öňde goýlan wezipeleri ýerine ýetirmek üçin tagalla etjekdiklerini belledi.
Ozal Özbegistanyň “Andijan” we “Nowbahar” ýaly toparlarynda çykyş eden Elman Tagaýew özbek toparynyň käbir futbolçylary bilen ozal bile oýnandyklaryny we toparyň köp sanly oýunçysynyň milli ýygyndynyň düzümine hem oýnaýandygyny belledi.
Türkmen toparynyň tälimçisi ähli toparlayrň indiki tapgyra çykmak üçin mümkinçiliginiň bardygyny belläp, her bir garşydaşa garşy özleriniň mynasyp oýnuny görkezmäge çemeleşýändiklerini belledi.