Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkmenistan-Owganystan-Pakistan-Hindistan gaz geçirijisiniň owgan böleginde alnyp barylýan gurluşyk işleri bilen tanyşdy we Owganystanyň ýokary derejeli wekiliýeti, ykdysady meseleler boýunça premýer-ministriň orunbasary Abdul Gani Baradar Ahund bilen duşuşdy.
Owganystanyň Premýer-ministriniň orunbasarynyň resmi saýtynda habar berlişine görä, duşuşykda iki ýurduň arasynda möhüm taslamalar, hususan-da Türkmenistan-Owganystan-Pakistan-Hindistan gaz geçirijisi taslamasy boýunça pikir alşyldy.
Abdul Gani Baradar Ahund TOPH taslamasynyň Owganystanyň, Türkmenistanyň we sebitiň beýleki döwletleriniň ykdysadyýeti üçin möhüm taslama bolup durýandygyny belläp, türkmen tarapyndan taslama durmuşa geçirilen owgan halkyna iş üpjünçiligini döretmegi haýyş etdi.
Türkmen tarapy taslamanyň amaly işlerine laýyklykda, köp sanly owgan halkynyň iş bilen üpjün ediljekdigini belledi.
Şeýle hem mundan beýläk-de iki ýurduň arasyndaky ykdysady hyzmatdaşlygy berkitmek maksadyna gönükdirilen iri taslamalary durmuşa geçirmäge taýýardyklaryny mälim etdiler.