ABŞ-nyň Döwlet departamenti Kristin Hokinsiň ABŞ-nyň Türkmenistandaky diplomatik wekilhanasynyň wagtlaýyn ynanylan wekili wezipesine bellenendigini mälim etdi. Ol bu wezipede Türkmenistandaky diplomatik işini tamamlan ilçi Elizabet Ruduň ornuny eýeleýär.
Döwlet departamenti öňki missiýanyň ýolbaşçysynyň iki ýurduň arasyndaky hyzmatdaşlygy ösdürmäge we hyzmatdaşlyk gatnaşyklaryny berkitmäge goşan goşandyny aýratyn belledi.
Täze wezipesine girişen Kristin Hokins ABŞ bilen Türkmenistanyň arasyndaky hyzmatdaşlygyň esasy ugurlary boýunça işi dowam etdirer. Diplomatik wekilhananyň ýolbaşçylygy döwletara dialogyň häzirki derejesini saklamagy we özara gyzyklanma bildirilýän dürli ugurlar boýunça bilelikdäki başlangyçlary ösdürmegi maksat edinýär.
Kristin Hokins 2026-njy ýylyň iýul aýyndan bäri ABŞ-nyň Aşgabatdaky wagtlaýyn ynanylan wekili wezipesinde işleýär. Ol professional diplomat bolup, 2023–2025-nji ýyllar aralygynda ABŞ-nyň Pakistanyň Lahor şäherindäki Baş konsuly wezipesini ýerine ýetirdi.
Hanym Hokins ABŞ-nyň Wirjiniýa ştatyndan bolup, Wirjiniýa uniwersitetinde halkara gatnaşyklar we ykdysadyýet ugurlary boýunça bakalawr derejesini aldy.
Ol türkmen, rus, ukrain we fransuz dillerini erkin bilýär.