SPORT

Türkiýäniň ýygyndysyna dünýä çempionatyna bir ädim galdy

Türkiýäniň milli ýygyndysy Dünýä Kubogynyň pleý-off tapgyrynyň ýarym finalynda Rumyniýany ýeňip, finala çykdy.

Dünýä Kubogynyň pleý-off ýarym finalynda Türkiýäniň milli ýygyndysy bilen Rumyniýanyň ýygyndysy duşuşdy.

Stambul şäherindäki “Tüpraş” stadionynda geçirilen duşuşyk Türkiýäniň ýygyndysynyň 1-0 hasabyndaky üstünligi bilen tamamlandy.

Türkiýäniň ýygyndysyna ýeňiş getiren goly 53-nji minutda Ferdi Kadyogly geçirdi. Türkiýe bu netijeden soň Dünýä Kubogynyň pleý-off finalyna adyny ýazdyrdy. Rumyniýa bolsa Dünýä Kubogyna gatnaşmak mümkinçiligini ýitirdi.

Türkiýäniň milli ýygyndysy Slowakiýany ýeňen Kosowo bilen 31-nji mart sişenbe güni Dünýä Kubogynyň pleý-off finalynda duşuşar.

Şeýle hem Bosniýa we Gersegowina bilen Italiýanyň, Şwesiýa bilen Polşanyň, Kosowo bilen Türkiýäniň, Çehiýa bilen Daniýanyň arasyndaky duşuşyklar 31-nji martda geçiriler.

2026-njy ýylyň Dünýä çempionaty 11-nji iýun – 19-njy iýul aralygynda ABŞ-da, Kanadada we Meksikada geçiriler. Bu ýaryşda taryhda ilkinji gezek 48 ýygyndy gatnaşar.

Related posts

Keýn “Bawariýadan” “Barselona” toparyna geçip biler

Ata Watan Eserleri

Urugwaýly Kawani “Walensiýada” oýnar

Ata Watan Eserleri

Hytaýda 19-njy Aziýa oýunlarynyň açylyş dabarasy geçirildi