Saud Arabystanynyň “Al-Nasr” toparynyň hüjümçisi Kristiano Ronaldo Saud Arabystanynyň futbol çempionatynyň 23-nji tapgyrynda “Al-Hazm” toparyna garşy geçirilen duşuşykda iki gol geçirip, toparynyň 4:0 hasabynda ýeňiş gazanmagyna goşant goşdy.
Duşuşykdan soň portugaliýaly hüjümçi Saud Arabystanyda galyp, futbol karýerasyny dowam etdirmek isleýändigini aýtdy.
“Men Saud Arabystanyna degişlidirin. Men bu ýerde oýnamagy dowam etdirmek isleýärin. Bu ýurt meni, maşgalamy we dostlarymy kabul etdi. Men bu ýerde bagtly we galmak isleýärin”, – diýip futbolçynyň beýanatyny žurnalist Fabrisio Romano sosial torlarda habar berdi.
Häzirki möwsümde 41 ýaşly Ronaldo ähli ýaryşlarda “Al-Nasr” topary üçin 22 duşuşykda 20 gol geçirdi.
Topar 52 utuk bilen ýaryş tertibinde üçünji orny eýeleýär. 53 utuk toplan “Al-Hilal” bolsa öňdeligi saklaýar.