Argentinaly hüjümçi Lionel Messi karýerasynda 405-nji gol pasyny berdi. “Inter Maýami” klubynyň futbolçysy, ozal wengriýaly hüjümçi Ferens Puşkaşa degişli bolan (onuň 404 netijeli pasy bardy) rekordy täzeledi.
Messiniň bu meşhur gol pasy MLS-iň ýarym finalynda “Nýu-Ýork Siti” toparyna garşy oýunda hasaba alyndy. Lionel öz ýurtdaşy Mateo Silwetteniň gol geçirmegine ýardam edipdi. Neitjede, “Inter Maýami” 5:1 hasabynda ýeňiş gazanyp, finala çykdy.
MLS çempionatynyň esasy duşuşygynda Messiniň topary “Wankuwer” toparyna garşy oýnar. Bu möwsümde argentinalynyň hasabynda MLS-de 33 oýunda 35 gol we 26 netijeli pas bar.
Messiniň karýerasy dowamynda ol “Barselona”, “PSŽ” we “Inter Maýami” klublarynda, şeýle hem Argentina ýygyndysynda çykyş etdi. Ol:
-
2022-nji ýylyň Dünýä çempiony,
-
10 gezek Ispaniýanyň çempiony,
-
2 gezek Fransiýanyň çempiony,
-
2 gezek Amerika Kubogynyň eýesi,
-
2008-nji ýylyň Olimpiýa çempiony,
-
4 gezek Çempionlar Ligasynyň ýeňijisi,
-
3 gezek Klublaryň Dünýä Çempionatynyň ýeňijisidir.