Portugaliýaly futbolçy, Saud Arabystanynyň «Al-Nasr» klubunyň we Portugaliýanyň milli ýygyndysynyň hüjümçisi hem-de kapitany Kristinao Ronaldo «Pahtakor» toparyna garşy geçiriljek duşuşyga gatnaşmaýar. Bu barada Özbegistanyň Futbol Assosiasiýasy habar berdi.
Bellenilişi ýaly, Ronaldo AFK-nyň Çempionlar ligasynyň Elita tapgyrynyň 4-nji tapgyrynyň çäklerinde geçiriljek «Pahtakor» toparyna garşy duşuşyk üçin Daşkende gelmedi.
Ýaryşyň dördünji tapgyrynyň duşuşygy 2-nji noýabrda Daşkent şäherinde geçiriler. «Al-Nasr» topary 31-nji oktýabrda hususy uçar bilen Özbegistana geldi. Duşuşykdan soňra toparyň wekiliýeti Saud Arabystanyna dolanyp, 6-njy noýabrda meýilleşdirilen «Al-Hazm» toparyna garşy oýna taýýarlyk görüp başlar.
Şeýle hem toparyň baş tälimçisi Ange Postekoglu Özbegistana ugur alan oýunçylaryň sanawyna goragçy Mohamed Simakan bilen ganat hüjümçisi Kingsli Komany hem goşmady.