“Makul iňlisçe–türkmençe sözlük” Amerikanyň Birleşen Ştatlarynda neşir edilip, häzirki wagtda “Amazon” platformasynda satuwa çykaryldy.
Kitaby bu linkden satyn alyp bilersiňiz https://www.amazon.com/dp/
Giň gerimli sözlük — 16 500 söz, ýörite adalgalar
Täze Makul sözlük jemi 16 500 iňlis dilindäki sözleri we olaryň on müňlerçe türkmen dilindäki terjimelerini özünde jemleýär. Ol diňe umumy sözler bilen çäklenmän, hukuk, işewürlik, lukmançylyk, sport, emeli intellekt ýaly ugurlardaky ýöriteleşdirilen adalgalary hem öz içine alýar.
Bu neşir dürli toparlar üçin peýdaly gollanma bolup hyzmat eder: okuwçylar, talyplar, terjimeçiler, hukukçylar, ykdysadyýetçiler, lukmanlar, IT hünärmenler we halkara gatnaşyklary bilen meşgullanýan ähli okyjylar üçin giň mümkinçilikleri açýar. Kitabyň baş redaktory Dr. Döwran Orazgylyjow bolup durýar.
Makul Sözlük diňe bir Amazonda elýeterli bolman, www.makulsozluk.com web saýtyndan hem peýdalanyp bolar. Şeýle hem Android we Ios Applikasiýalary elýeterli bolup, aşakda berilen linklerden mugt ýükläp alyp bilersiňiz. Şeýle hem aşakda saýtymyzyň Aplikasiýalarynyň linkleri hem Size ýetirilýär.
- Atavatan Türkmenistan (IOS): App Store
- Atavatan Türkmenistan (Android): Google Play
- Makul Sözlük (Android): Google Play
- Atavatan TV (Android): Google Play
- Makul Sözlük(IOS): App Store
Redaksiýa kollegiýasy we dizaýn topary
Sözlügiň taýýarlanylmagyna birnäçe alymlar we hünärmenler gatnaşdy. Redaksiýa kollegiýasy şu adamlardan ybaratdyr:
Amangeldi Baýgeldiýew –filosofiýa ylymlarynyň kandidaty
Azat Nazarow – dilçi alym
Şamil Roznazarow – “Makul Hyzmat” terjime merkeziniň direktory
Döwran Orazgylyjow – hukuk ylymlarynyň doktory, awtor we baş redaktor
Kitabyň kompýuter dizaýn işleri hem ýaş hünärmen Ysmaýyl Orazgylyjow tarapyndan ýerine ýetirildi.
Neşiriň taýýarlanylmagy “Makul Hyzmat” Terjime Merkezi tarapyndan goldanyldy.