2025-nji ýylyň 17-nji iýulynda Kabulda Özbegistanyň, Owganystanyň we Pakistanyň daşary işler ministrleriniň ilkinji üçtaraplaýyn duşuşygy geçirildi. Oňa Owganystanyň daşary işler ministriniň wezipesini ýerine ýetiriji Amir Han Muttaki, Özbegistanyň daşary işler ministri Bahtiýor Saidow hem-de Pakistanyň daşary işler ministri Mohammed Ishak Dar gatnaşdy.
Şeýle hem duşuşyga 3 ýurduň ulag pudagynyň ýolbaşçylary hem çagyryldy.
Duşuşygyň dowamynda Özbegistany, Owganystany we Pakistany birleşdirjek TransOwganystan demirýol taslamasynyň tehniki-ykdysady esaslandyryşyny ösdürmek boýunça üç taraplaýyn çarçuwaly şertnama gol çekildi. Duşuşyga gatnaşyjylar bu ulag geçelgesiniň tutuş Ýewraziýa sebiti üçin strategiki ähmiýetine ünsi çekdiler.
Taslama sebit söwdasynyň möçberini ep-esli ýokarlandyrmak, Owganystanyň ykdysady taýdan dikelmegine we Merkezi Aziýa ýurtlaryna günorta deňiz portlaryna we halkara bazarlaryna çykmak üçin niýetlenendir.
Taraplar söwda we ykdysady gatnaşyklary pugtalandyrmak, oba hojalygy, derman, dokma hem-de gurluşyk ýaly ugurlarda hyzmatdaşlygy giňeltmek isleýändiklerini tassykladylar.
Termezdäki Halkara söwda merkeziniň mümkinçiliklerini giňeltmäge aýratyn üns berildi.