“RŽD” (Russiýanyň demir ýollary) kompaniýasynyň ýolbaşçysynyň birinji orunbasary Sergeý Pawlow Türkmenistana tarap syýahatçylyk boýunça demir ýol ugurlaryny ösdürmegiň uly mümkinçilikleriniň bardygyny hasaplaýar.
“Mümkinçilikleri we Türkmenistanyň nähili ösýändigini, bu ýerdäki taryhy nazarda tutsaň we bu diňe bir Demirgazyk bilen Günorta däl, eýsem Gündogar bilen Günbatary hem birleşdirýän ägirt uly taryhdyr. Bu siziň ýurtlaryňyzyň ýolbaşçylary bilen bilelikde örän aýawly saklaýan taryhyňyzdyr we şol bir wagtyň özünde siz düýbünden täze, döwrebaplygy gurýarsyňyz. Şonuň üçin hem, bu mümkinçiligi siziň bilen bilelikde örän gowy we örän güýçli ulanmalydyrys diýip hasaplaýaryn” — diýip, ol GDA agza döwletleriň Demir ýol ulaglary boýunça geňeşiniň mejlisiniň çäginde žurnalistler bilen bolan gürrüňdeşlikde aýtdy we şeýle ugurlara şübhesiz gyzyklanmanyň bardygyny sözüne goşdy.
GDA agza döwletleriň Demir ýol ulaglary boýunça geňeşiniň 84-nji mejlisi 13-14-nji maýda Aşgabatda geçirildi.