Şu gün paýtagtymyzdaky «Ýyldyz» myhmanhanasynda «Türkmenistanyň geljegine maýa goýumlar» atly halkara forum öz işine başlady. Bu forum ýurdumyzyň hususy pudagynyň maýa goýum mümkinçiliklerini ara alyp maslahatlaşmak, tejribe alyşmak üçin möhüm meýdança öwrüldi.
Forumda çykyş eden Türkmenistanyň maliýe we ykdysadyýet ministriniň orunbasary Perhat Ýagşyýew ýurdumyzyň maýa goýum syýasatynyň durmuş-ykdysady görkeizjileri ýokarlandyrmaga gönükdirilendigini belledi. Ol Türkmenistanyň öz ykdysadyýetini pugtalandyrmak üçin giň mümkinçiliklere eýedigini aýtdy.
Sebit we durmuş maksatly taslamalary durmuşa geçirmegiň çäklerinde 11 milliard dollar möçberinde maýa goýumlaryny çekmegiň meýilleşdirilýändigini aýtdy. Munuň ýurdumyzyň ykdysadyýetiniň möhüm pudaklarynyň durnukly ösüşini üpjün etmäge gönükdiriler.
Häzirki wagtda Türkmenistan bilen onuň hyzmatdaş döwletleriniň arasynda 63 şertnama hereket edip, munuň maýa goýum pudagynda halkara hyzmatdaşlygyny işjeňleşdirilýändiginiň subutnamasy bolup durýandygy bellenildi.
Bu şertnamalar bilelikdäki taslamalary durmuşa geçirmek üçin daşary ýurt maýa goýumlaryny çekmäge amatly şertleri döredýär.