Paýtagtymyz Aşgabatda Söwda-senagat edarasynda «Türkmenistan — Birleşen Arap Emirlikleri» işewürlik maslahaty geçirildi. Oňa iki dostlukly ýurduň döwlet we işewür düzümleriniň ýolbaşçylary hem-de öňdebaryjy hünärmenleri gatnaşdylar.
Birleşen Arap Emirlikleri Türkmenistanyň şu ýylyň ýanwar-aprel aýlaryndaky daşary söwda dolanyşygynda 5-nji orny eýeläp, söwda dolanyşygy 6.3 göterim artdy. 2024-nji ýylyň 1-nji martyndaky ýagdaýa görä, Türkmenistanda BAE-niň kompaniýalarynyň gatnaşmagynda umumy bahasy 5 milliard dollardan gowrak bolan 138 maýa goýum taslamalary hasaba alyndy. Bu barada Söwda-senagat edarasynyň başlygy Mergen Gurdowyň çykyşynda bellenilip geçildi.
Häzirki wagtda Türkmenistan bilen BAE-niň arasyndaky işewürlik gatnaşyklaryny täze dereje çykarmak üçin uly mümkinçilikler bar. Söwda-senagat edarasy ýerli telekeçileriň işlerini ilerletmek, eksport mümkinçiliklerini artdyrmak üçin tagalla edýär – diýip, bellän Mergen Gurdow BAE-li işewürleri Aşgabatda öňde boljak iri çärelere gatnaşmaga çagyrdy.
Olaryň hatarynda “Türkmentel”, “Türkmenistanyň nebiti we gazy 2024” ýaly halkara sergileri, 19-20-nji sentýabrda geçiriljek Türkmenistanyň halkara maýa goýum forumy bar.
Şeýle hem işewürler maslahatynda edilen çykyşlarda Türkmenistan bilen BAE-niň arasyndaky söwda dolanyşygy 2023-nji ýylda 1 milliard 290 million dollar bolup, 2022-nji ýyl bilen deňeşdirilende 15.8 göterim artdy. Türkmenistanyň Emirliklere eskporty 13.3 göterim. importy bolsa 16.2 göterim artdy.