30-njy martda Şansi welaýatynyň Sian şäherinde Hytaýyň, Gazagystanyň, Gyrgyzystanyň, Türkmenistanyň, Täjigistanyň we Özbegistanyň ýokary derejeli wekilleri Hytaý-Merkezi Aziýa hyzmatdaşlygy mehanizminiň sekretariatynyň açylyş dabarasyny geçirdi.
Hytaýyň daşary işler ministri Wan I, Gazagystanyň daşary işler ministri Murat Nurtleu, Gyrgyzystanyň daşary işler ministri Jeenbek Kulubaýew, Täjigistanyň daşary işler ministri Sirojiddin Muhriddin, Türkmenistanyň daşary işler ministri Raşid Meredow we Özbegistanyň daşary işler ministri Bahtiýor Saidow sekretariatyň açylyş dabarasy mynasybetli gutlag hatyny iberdi.
Açylyş dabarasyna Hytaýyň daşary işler ministriniň orunbasary Sun Weýdun, Gazagystanyň daşary işler ministriniň orunbasary Alibek Bakaew, Merkezi Aziýa ýurtlarynyň Hytaýdaky ilçileri gatnaşdy. Türkmenistanyň Hytaýdaky ilçisi Parahat durduýew hem bu dabara gatnaşdy.
Merkezi Aziýa ýurtlarynyň daşary işler ministrleri gutlag hatlarynda Hytaý-Merkezi Aziýa sammitiniň ikitaraplaýyn gatnaşyklaryň taryhynda möhüm tapgyrdygyny we mehanizmiň sekretariatynyň döredilmeginiň iň möhüm netijeleriniň biridigini bellediler. Şeýle hem, bu gurluşyň döredilmegi Merkezi Aziýa we Hytaý ýurtlarynyň arasyndaky hyzmatdaşlyga täze itergi berer diýip umyt bildirildi.