Türkmenistanyň Daşary işler ministrliginiň binasynda Türkmenistanyň daşary işler ministri Raşid Meredow bilen Russiýa Federasiýasynyň Tatarystan Respublikasynyň sport ministri Wladimir Leonowyň arasynda duşuşyk geçirildi. Tatarystan Respublikasynyň sport ministri Wladimir Leonow öz ýurdunyň wekiliýetine ýolbaşçylyk edip, Aşgabada geldi.
Duşuşygyň barşynda sport ulgamynda ikitaraplaýyn hyzmatdaşlyk ugurlaryna seredildi, şeýle hem dürli iri sport ýaryşlaryny geçirmek hem-de olara gatnaşmak meseleleri boýunça pikir alşyldy.