Paýtagtymyz Aşgabatda geçirilýän «Türkmenistanyň nebiti we gazy – 2026» (OGT 2026) atly 31-nji halkara maslahatynyň we sergisiniň çäklerinde «Ata Watan Media» topary Azerbaýjanyň SOCAR döwlet nebit kompaniýasynyň wise-prezidentiniň orunbasary Nusrat Alyýew bilen söhbetdeşlik geçirdi.
Söhbetdeşlikde kompaniýanyň halkara energetika pudagyndaky orny, Türkmenistan bilen Azerbaýjanyň nebitgaz ulgamyndaky hyzmatdaşlygy we geljekki hyzmatdaşlyk mümkinçilikleri barada gürrüň edildi.
SOCAR (State Oil Company of the Azerbaijan Republic) — Azerbaýjanyň döwlet nebit kompaniýasy bolup, ýurduň energetika pudagynda möhüm orun eýeleýär. Kompaniýa nebitiň we tebigy gazyň gözleg-barlag, gazyp alyş, gaýtadan işleýiş, daşamak we söwda işleri bilen meşgullanýar.
SOCAR diňe bir Azerbaýjanda däl, eýsem Türkiýe, Gruziýa we beýleki halkara bazarlarynda hem iş alyp barýar. Kompaniýa halkara energetika taslamalaryna, şol sanda nebitgaz geçirijilerine, nebiti gaýtadan işleýän kärhanalara we nebithimiýa önümçiligine gatnaşýar.
Türkmenistan bilen Azerbaýjanyň energetika ulgamyndaky hyzmatdaşlygy Hazar sebitinde möhüm ähmiýete eýedir. Iki ýurduň arasynda tebigy gaz, energetika infrastrukturasyny ösdürmek we halkara ulag-energetika geçelgeleri boýunça hyzmatdaşlygy giňeltmek üçin mümkinçilikler bar.
«Ata Watan Media» toparynyň Nusrat Alyýew bilen geçiren söhbetdeşligi @atavatanturkmen Instagram sahypasynda we @atawatanhabarlary TikTok hasabynda tomaşaçylara ýetirildi.
«Ata Watan Media» halkara serginiň çäklerinde dünýäniň iri energetika kompaniýalarynyň wekilleri bilen söhbetdeşliklerini dowam etdirýär.