Türkmen türgenleri Bütindünýä karate federasiýasynyň (WKF) howandarlygynda Fujeýrada (Birleşen Arap Emirlikleri) geçirilen “Ýaşlar Karate Ligasy 1” atly ýaryşynda üstünlikli çykyş etdiler.
78 ýurtdan 2000-den gowrak türgeniň 12 ýaşdan 20 ýaşa çenli ýaş kategoriýalarynda güýç synanyşan bäsleşiginde, watandaşlarymyz karateniň kumitde görnüşinde iki bürünç medala mynasyp boldular.
Bu üstünligi Aşgabat şäheriniň 61-nji orta mekdebiniň 8-nji synp okuwçysy Alymuhammet Kakalýew we Ahal welaýatynyň Ak Bugdaý etrabynyň 16-njy orta mekdebiniň 9-njy synp okuwçysy Gurbannazar Amandurdyýew gazandylar.
Alymuhammet Kakalýew 14 ýaşa çenli türgenleriň arasynda 55 kilograma çenli agram derejesinde, Gurbannazar Amandurdyýew bolsa 14 ýaşdan uly türgenleriň arasynda 52 kilograma çenli agram derejesinde çykyş etdiler.