Şu gün Gazagystanyň paýtagty Astana şäherinde Türki Döwletleriň Guramasynyň 10-njy Sammiti geçirilýär. Bu sammitiň öňüsyrasynda gurama agza we synçy döwletleriň daşary işler ministrleriniň duşuşygy geçirildi.
Duşuşykda guramanyň ýubileý sammitiň gün tertibindäki meseleler bilen bir hatarda söwda-ykdysady, medeni-ynsanperwer ugurly hyzmatdaşlyk gatnaşyklary ara alnyp maslahatlaşyldy.
Duşuşyga Türki Döwletleriň Guramasynyň Baş sekretary Kubanyçbek Ömüraliýew hem gatnaşdy.
Mälim bolşy ýaly, Türki Döwletleriň Guramasynyň 10-njy Sammitine türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem gatnaşýar.
Şeýle hem Gazagystanyň Prezident Kasym-Žomart Tokaýewiň kabul etmeginde geçirilýän sammit üçin Azerbaýjanyň Prezidenti Ilham Aliýew, Özbegistanyň Prezidenti Şawkat Mirziýoýew, Gyrgyzystanyň Prezidenti Sadyr Žaparow, Türkiýäniň Prezidenti Rejep Taýyp Ärdogan, şeýle hem Wengriýanyň Premýer-ministri Wiktor Orban Astana şäherine bardy.