Ispaniýanyň iki ägirdi – “Barselona” bilen “Real Madrid” toparlary Ispaniýanyň Kubogy ugrundaky ýaryşyň ýarym finalynda duşuşdy. Ilkinji duşuşykda “Barselona” topary 1:0 hasabynda myhmançylykda üstün çykypdy. Ýöne öz meýdançasynda derwezesinden bu gezek “Real Madrid” toparyndan jogapsyz 4 pökgi geçirtdi.
Şeýlelikde, “Real Madrid” topary 2023-nji ýylda “Barselona” toparyndan üstün çykdy we Soňky 28 ýylda uly haspa bilen ýeňmegi başardy. Şeýle hem şa kluby 9 ýyldna soňra Ispaniýanyň kubogynda finala çykmagy başardy.
Bu duşuşykda 3 gol geçiren Karim Benzema “El-Klasikoda” 16 gol geçirip, iň köp gol geçiren 4-nji futbolçy boldy. Ol 43 gezek “El-Klasiko” duşuşyklarynda oýnap, 16 gol geçirdi. Bu ugurda öňdeligi Lionel Messi eýelär we onuň geçiren gollarynyň sany 26-a deňdir.
Ispaniýanyň Kubogynyň täze eýesi 6-njy maýda Sewilýa şäherindeki stadionda geçiriljek “Real Madrid-Osasuna” duşuşygynyň netijesinde belli bolar.