Şu gün Hindistan Respublikasynyň Prezidenti Ram Nath Kowind döwlet sapary bilen ýurdumyza geldi. Hormatly myhmany paýtagtymyz Aşgabatdaky halkara howa menzilinde Türkmenistanyň Prezidenti Serdar Berdimuhamedow mähirli garşylady. Bu barada “Watan” habarlar gepleşiginde habar berildi.
Aşgabadyň halkara howa menzilinde belent mertebeli myhman üçin hormat garawuly düzüldi. Türkmenistanyň Prezidenti hormatly myhmanyny mähirli garşylady we bu ýerde resmi garşylamak dabarasy guraldy. Iki ýurduň döwlet senalary ýaňlandy.
Soňra resmi garşylamak dabarasy tamamlanandan soňra Hindistan Respublikasynyň Prezidenti sapary döwründe öz üçin niýetlenen “Ýyldyz” myhmanhanasyna ugrady.
Ertir, ýagny 2-nji aprelde ýokary derejede türkmen-hindi gepleşikleri geçiriler. Onda iki ýurduň arasyndaky dürli ugurlardaky hyzmatdaşlyk gatnaşyklary ara alnyp maslahatlaşylar.