Şu gün Kataryň paýtagty Doha şäherinde futbol boýunça dünýä çempionatynyň bijeleri çekildi. Häzirki wagtda dünýä çempionatyna gatnaşjak 32 milli ýygyndynyň 29-sy belli boldy. Ýene-de 3 ýygyndy pleý-off tapgyryndan soňra belli bolar.
Çempionata gatnaşýan milli ýygyndylar 8 topara bölündi.
TOPARLAR ŞEÝLE:
A topary: Katar (ýer eýeleri), Ekwador, Senegal, Niderlandlar
B topary: Angliýa, Eýran, ABŞ, Uels-Şotlandiýa/Ukraina ýeňijisi
C topary: Argentina, Saud Arabystan, Meksika, Polşa
D topary: Fransiýa, Peru-Awstraliýa/BAE ýeňijisi, Daniýa, Tunis
E topary: Ispaniýa, Kosta-Rika-Täze Zelandiýa ýeňijisi, Germaniýa, Ýaponiýa
F topary: Belgiýa, Kanada, Marokko, Horwatiýa
G topary: Braziliýa, Serbiýa, Şweýsariýa, Kamerun
H topary: Portugaliýa, Gana, Urugwaý, Günorta Koreýa
Ilkinji gezek gyş paslynda geçirilýän dünýä çempionaty 2022-nji ýylyň 21-nji noýabry-18-nji dekabry aralygynda geçiriler.
Final duşuşygynyň 18-nji dekabrda geçirilmeginiň özboluşly ähmiýeti bar. Şol gün Kataryň garaşsyzlyk gazanan günüdir.
Şu çempionatyň bijeleri bilen baglanyşykly ýene-de bir gyzykly maglumat, ol hem Angliýanyň ýygyndysy baradadyr. 1966-njy ýyldan soňra Angliýa ilkinji gezek çempionatyň birinji güni duşuşyk geçirer.
B toparda çykyş edýän Angliýa Eýran, ABŞ, Uels-Şotlandiýa/Ukraina ýeňijisi bilen bäsleşer.
Angliýanyň ýygyndysy 1966-njy ýyldaky çempionatda çempion bolupdy. Ol hem Angliýanyň ýeke-täk çempionlygydyr.
Hindistanyň Prezidenti Türkmenistana döwlet sapary bilen geldi