9-16-njy fewral aralygynda Täjigistanyň paýtagty Duşenbe şäherinde Merkezi Aziýa futbol assosiasiýasynyň (CAFA) guramagynda futzal boýunça zenanlar ýygyndylarynyň arasynda halkara ýaryşy geçiriler. Halkara ýaryşyna Türkmenistanyň ýygyndy toparyndan başga Täjigistanyň, Eýranyň, Özbegistanyň hem-de Gyrgyzystanyň milli ýygyndylary gatnaşarlar.
Bu halkara ýaryşyna emin hem-de gözegçi emin hökmünde gatnaşmak üçin Türkmenistanyň Futbol federasiýasynyň hünärmenleriniň üçüsi, şol sanda halkara derejeli (FIFA) eminler Timur Ramazanow bilen Merjen Bagşyýewa, şeýle hem halkara derejeli instruktor/gözegçi emin (AFC) Wadim Baratow çakylyk aldylar.