UEFA-nyň Çempionlar ligasynyň soňky hepdesinde “A”, “B”, “C” we “D” toparçalaryndaky duşuşyklar tamamlandy.
Şonuň netijesinde, toparçalarynda birinji we ikinji orny eýelän toparlar 1/8 finala çykmaga hukuk gazandy.
1/8 FINALA ÇYKAN TOPARLAR
“Atletiko”
“Аýaks”
“Bawariýa”
“Inter”
“Liwerpul”
“Mançester Siti”
“Mançester Ýunaýted”
“PSŽ”
“Real”
“Sporting”
“Çelsi”
“Ýuwentus”
MESSI WE MBAPPE REKORD GOÝDY
Messili we Mbappeli “PSŽ” topary öz meýdançasynda “Brýugge” toparyny kabul etdi. Duşuşyk 4:1 hasabynda parižlileriň peýdasyna tamamlandy.
Kilan Mbappe 2-nji we 7-nji minutlarda, Lionel Messi bolsa 38-nji we 76-njy minutlarda tapawutlandy. Çempionlar ligasyndaky 30-njy goluny geçiren Mbappe bu derejä 22 ýaş 352 günde ýetip, iň ýaş futbolçy boldy.
Messi bolsa bu ýaryşda 38 dürli toparyň derwezesinden gol geçiren ilkinji futbolçy boldy.
“LIWERPUL” WE “AÝAKS” TARYHA GIRDI
Geçen tapgyrda 1/8 finala çykmaga hukuk gazanan Angliýanyň “Liwerpul” topary bu gezek “Milan” toparyny ýeňip, hem bu italýan toparyny 1/8 finala çykmakdan mahrum etdi hem-de Angliýada Çempionlar ligasynyň toparçalardaky duşuşyklarynyň ählisini gazanan ilkinji topar boldy.
Şeýle üstünlige Niderlandlaryň “Aýaks” topary hem eýe boldy. Bu topar hem toparçalardaky 6 duşuşygyny hem ýeňip, öz ýurdunyň ilkinji topary bolmagy başardy.
ÇEMPIONLAR LIGASYNYŇ DUŞUŞYKLARYNYŇ NETIJESI
“RB Leipzig” 2-1 “Mançester Siti”
“PSŽ” 4-1 “Brýugge”
“Aýaks” 4-2 “Sporting”
“Porto” 1-3 “Atletiko Madrid”
“Real Madrid” 2-0 “Inter”
“Milan” 1-2 “Liwerpul”
“Şahtýor” 1-1 “Şerif”
“Borussiýa Dortmund” 5-0 “Beşiktaş”