Günorta Afrikanyň zyýaratçysy 3 ýyl ýol ýöräp, Mekgä bardy. Ol haj parzyny ýerine ýetirmek üçin 2018-nji ýylyň awgustynda ýola çykypdy. Keýptaun şäherinden ýola çykan afrikaly zyýaratçy pandmeiýa sebäpli 1 ýyldan köp wagt Aksa metjidinde boldy.
Saheed atly zyýaratçy haj parzyny ýerine ýetirip, Watanyna ýene-de ýöräp gitmegi meýilleşdirýär.
Ol Zimbabwe, Zambiýa, Tanzaniýa, Keniýa, Sudan we Müsür ýaly ýurtlary geçdi. Palestina baran wagty koronawirus pandemiýasy başlady. Soňra ol 1 ýyldan gowrak wagtyny Aksa metjidinde geçirdi.
Serhetleriň täzeden açylmagy bilen Saheed atly zyýaratçy Iordaniýanyň üsti bilen Medine şäherine bardy. Häzir ol haj parzyny ýerine ýetirýär.
Mälim bolşy ýaly, 2 ýyldan gowrak wagt dowam eden koronawirus pandemiýasyndan soňra Saud Arabystany zyýaratçylary kabul edip başlady. Türkmenistandan hem zyýaratçylaryň bir topary Saud Arabystanyna gitdi.