Alekseý Berezuskiý Russiýanyň SSKA toparynyň baş tälimçisi wezipesine tassyklandy. Bu barada toparyň resmi saýty habar berýär.
– Şu gün Alekseý Wladimirowiç ilkinji gezek topary bilen ýoldaşlyk duşuşygyna çykar – diýip, toparyň metbugat gullugy habar berýär.
Alekseý Berezuskiý SSKA toparynyň tälimçilik toparyna 2021-nji ýylyň ýanwarynda goşuldy. Ol ozal bu toparyň düzüminde çykyş etdi. Toparyň düzüminde ähli ýaryşlarda 502 duşuşykda çykyş etdi.
Ol şu ýylyň iýunynda SSKA toparynyň tälimçisi Iwisa Oliçiň wezipesinden boşadylmagy bilen ýerini ýetiriji edilip bellenipdi.
SSKA topary 2020/2021-nji ýylyň möwsüminde Russiýanyň çempionatynda 50 utuk bilen 6-njy orny eýeledi we Ýewropa kuboklary ugrundaky ýaryşlara gatnaşmak hukugyndan mahrum galdy. Soňky gezek bu topar 2001/2002-nji möwsümde Ýewropa kuboklary ugrundaky ýaryşlara gatnaşmandy.