Dünýäde ýyldyz futbolçylar futbol sportunda diýseň uly baýraklara mynasyp bolýarlar. Muňa mysal edip häzirki wagtda dünýäniň iň güýçli hüjümçileri Kristiano Ronaldo we Lionel Messi eýýäm birnäçe ýyldan bäri “Altyn top” baýraklaryna mynasyp bolup gelýärler. Futbolçylar diňe bir sport bilen meşgullanman, eýsem telekeçilik ugruna hem maýa goýýarlar. Sebäbi gelejekde ýagny futbol ýoluny tamamlanlaryndan soňra, özleriniň telekeçilik işlerini ýöredip bilerler.
Kristiano Ronaldo dünýä sportynda zähmet haky babatynda üçünji orunda durýar. “Ýuwentus” toparyň hüjümçisi eýýäm gelejek hakda pikir edýär we maýa goýum goýýar. Şol bir wagtyň özünde Ronaldo bir zada ünsi jemlemän, eýsem dürli görnüşli telekeçilige maýa goýum edýär.
“Men türgenleşik bilen gyzyklanamok, diňe üstünlik bilen gyzyklanýaryn. Futbolda has köp maňa bagly bolýar. Emma işewürlikde hemme zat başga, bu ýerde sen başga adamlara bagly bolýarsyň. Ýöne meniň gowy toparym bar” diýip, Ronaldo belläp geçýär. Şeýle hem Ronaldo telekeçilik futboldan örän kyn diýip nygtap geçýär.
Häzirki wagtda Ronaldonyň işewürlik şertnamalarynyň hemmesi diýen ýaly ägirt kompaniýalar bilen hyzmatdaşlyga esaslanýar.
Ronaldonyň telekeçilik ýolunda gazanan üstünlikleri:
– Portugaliýanyň Lissabon we Funşal şäherlerinde “CR7” atly myhmanhalary bar.
– Portugaliýada saç oturtmak hassahanasynyň 10-sy bar.
– Ispaniýanyň Madrid şäherinde 2 sany “CR7 Crunch Fitness” atly fitnes zaly bar.
– “CR7” atly brend eşiklerini öndürýär.
– Madrid, Ibisa we Maýami şäherlerinde “Grupo Mabel Capital” atly restorany
– Ibisa we London şäherlerinde “Zela” atly restorany bar.
– Ýörite akylly telefonlar üçin “CR7 Selfie” atly selfi goşundysy hem-de kompvuter we telefonda ovnalvan oýun goşundysy bar. Ol oýunda esasy gahryman Ronaldonyň özi bolup durýar.
Umuman aýdanymyzda futbolçylar özleriniň ýollaryny diňe futbol sportuna bagly edip goýman, eýsem futboldan soňra girdeji gazanmak üçin dürli telekeçilik ýollar bilen meşgullanýarlar.
Demir ýol gatnawlarynda hoş habar: synag gatnawlary ýola goýulýar