ABŞ-nyň awiagurluşyk kompaniýasy “Boeing” 2030-njy ýyldan başlap, täjirçilik maksatly uçarlarynda bioýangyçlaryň ulanylyp başlajakdygyny mälim etdi. Bu barada metbugat gulluklary habar berýär.
Munuň üçin kompaniýa uçar hereketlendirijileriniň ulgamlaryny kämilleşdirmegi we uçuşlarda bioýangyjyny ulanmak üçin global awiasiýa düzgünleşdirijilerinden şahadatnama almagy meýilleşdirýär.
Mälim bolşy ýaly, “FedEx” kompaniýasynyň “Boeing 777” kysymly uçary ilkinji synag uçuşyny 2018-nji ýylda 100% bioýangyç bilen amala aşyrypdy.
Häzirki düzgünlere laýyklykda yzygiderli uçuşlar üçin iň ýokary bioýangyç mukdary 50%, galan 50% awiasiýa ýangyjydyr.
ABŞ-nyň Energetika ministrliginiň habaryna görä, bioýangyjyň ulanylmagy atmosfera goýberilýän hapa gazlaryň zyňyndylaryny 80% azaldar.
Ýurdumyzda we dünýäde bolup geçýän ykdysadyýete degişli täzeliklerden “habardar” bolmak isleýän bolsaňyz, bu sahypa Siziň üçin!
