SPORT

FIFA-nyň baýraklary: Ýylyň futbolçysy – Lewandowski

Ýañy-ýakynda habar berşimiz ýaly, 17-nji dekabrda FIFA guramasy Şwesariýanyñ Sýurih şäherinde 2020-nji ýylda tapawutlanan futbolçylara “Best FIFA Football Awards” baýraklarynyñ gowşurylyş dabarasyny onlaýn görnüşinde geçirdi. Bu dabarada şu ýylyñ dowamynda özüni gowy tarapyndan görkezen iñ gowy oýunça, iñ gowy tälimçä, iñ gowy derwezebana, şeýle hem Puşkaşyñ baýragyna, ýagny iñ owadan gola beriljek baýraklar gowşuryldy. Ýeñijiler ses berilişik esasynda mälim edildi. Ses berlişige futbol janköýerler, habar beriş serişdeleriniñ saýlanan wekilleri, dünýä ýüzüniñ futbol milli ýygyndylaryñ kapitanlary we tälimçileri gatnaşdylar. Şeýle hem bu ses berlişigiñ gidişi barada “Pricewaterhouse Coopers Switzerland” synçysy gözegçilik etdi.

* 2020-nji ýylyñ erkekleriñ arasynda iñ gowy oýunçy adyna polşaly Robert Lewandowski (“Bawariýa”) mynasyp boldy. Dünýä belli Lewandowski özüniñ futbol karýerasynda ilkinji gezek bu baýragyñ eýesi boldy.
* 2020-nji ýylyñ zenanlaryñ arasynda iñ gowy oýunçysy Lýusi Bronz boldy. Häzirki wagtda bu oýunçy “Mançester Siti” zenanlar toparynda çykyş edýär. Ýöne bu topardan öñ, “Olimpik Lion” futbol toparynda çykyş edip, üstünlikli tamamlamagy başardy.
* 2020-nji ýylyñ iñ gowy tälimçisi adyna Marselo Biýelsa (“Lids”), Hans-Diter Flik (“Bawariýa”) we Ýurgen Klopp (“Liwerpul”) dalaşgär görkezildi. Hat-da tälimçi Ýurgen Klopp bu baýraga iki gezek yzly-yzlyna dalaşgärlik etdi. Klopp bilen Hans-Diter Flik tälimçileriñ ara tapawudy biri-birine örän golaý bolany üçin futbol milli ýygyndylaryñ tälimçileri ses berdiler. Şonuñ bilen 2020-nji ýylyñ in gowy tälimçisi Ýurgen Klopp boldy.
* 2020-nji ýylyñ iñ gowy zenan tälimçisi bolsa häzirki wagtda Niderlandrlaryñ zenanlar futbol milli ýygyndysynyñ tälimçisi Sarina Wigman boldy. Tälimçi bu baýragy eýýäm ikinji gezek gazanýar. Mundan ozal 2017-nji ýylda bu baýraga mynasyp bolandygyny hem ýatladýarys.
* 2020-nji ýylyñ iñ gowy derwezebany Manuel Noýer (“Bawariýa”) boldy.
* 2020-nji ýylyñ zenanlaryñ arasynda iñ gowy derwezeban adyna fransiýaly Sara Buhaddi (“Olimpik Lion”) mynasyp boldy.
* FIFA guramasynyñ Puşkaş baýragyna, ýagny iñ owadan gol adyna koreýaly Son Hyn Min (“Tottenhem”) mynasyp boldy. Bu goly Angliýa çempionatynda “Börnli” futbol toparyna garşy çykyş eden duşuşygynda geçirdi.
* FIFA guramasynyñ janköýer baýragyny – braziliýaly Mariwaldo Fransisko da Silwa eýeledi. Transport ulagyna maýa goýumy ýetmeýän bu futbol janköýeri, özüniñ goldaýan toparynyñ öz meýdançasynda geçirýän duşuşyklaryny tomaşa etmek üçin üç şäheri 12 sagadyñ dowamynda ýöräp geçýär. Janköýeriñ futbola bolan söýgüsiniñ taryhy, ses berlişikde ýokary derejä mynasyp boldy.
* FIFA guramasynyñ adalatly oýun baýragyna – italiýaly Mattia Agnese mynasyp boldy. 17 ýaşly Agnese duşuşygyñ dowamynda garşydaş toparynyñ oýunçysynyñ özünden gidip ýykylanyny gördi. Pikirlenmän onuñ ýanyna baryp lukmanlardan öñ, özüniñ ilkinji kömegini berdi. Şeýlelikde Agnese şol oýunçyny halas etdi.
Şeýle hem erkekleriñ arasynda ýylyñ topar düzümi yglan edildi.
Derwezeban: Alisson Bekker (“Liwerpul”)
Goragçylar: Trent-Aleksandr Arnold (“Liwerpul”), Alfonso Dewis (“Bawariýa”), Serhiýo Ramos (“Real Madrid”), Wirjil wan Deýk (“Liwerpu”l).
Ýarymgoragçylar: Tiago Alkantara (“Bawariýa”), Kewin De Bruýne (“Mançester Siti”), Joşua Kimmih (“Bawariýa”).
Hüjümçiler: Kristiano Ronaldo (“Ýuwentus”), Lionel Messi (“Barselona”), Robert Lewandowski (“Bawariýa”).
Zenanlaryñ arasynda ýylyñ topar düzümi hem yglan edildi.
Derwezeban: Kristian Endler (PSŽ).
Goragçylar: Milli Braýt (“Çelsi”), Lýusi Bronz (“Mançester Siti”), Wendi Renar (“Olimpik Lion”).
Ýarymgoragçylar: Barbara Bonansi (“Ýuwentus”), Weranika Bokete (“Milan”), Delfin Kaskarino (“Olimpik Lion”).

Hüjümçiler: Pernille Harder (“Çelsi”), Tobin Hit (“Mançester Ýunaýted”), Wiwiwan Midema (“Arsenal”), Megan Rapino (“OL Reýn”).

Sizden Gelenler Sahypamyz

Interaktiw sahypamyz- okyjylarymyzdan gelen habar we eserleriň ýerleşdirilýän sahypasy-sizden gelenler sahypasy siziň iberjek eserleriňize garaşýar!

Ýene-de okaň

Gruzin futbolçy “PSŽ” toparyna geçer

Ata Watan Eserleri

Ronaldo saud topary bilen şertnamasyny uzaldar

Ata Watan Eserleri

Türkmenistan we Belgiýanyň futbol wekilleriniň onlaýn duşuşygy

Ata Watan Eserleri

Ispaniýanyň naýbaşysy – “Barselona”

Ata Watan Eserleri

Taryhy transfer: özbek futbolçy “Mançester Siti” toparyna geçýär

Ata Watan Eserleri

Türkmenistanyň we Germaniýanyň futbol ýolbaşçylygynyň onlaýn duşuşygy

Ata Watan Eserleri