Häzirki wagtda täze görnüşli koronawirusa (COVID-19) garşy sanjymlar giňden önümçilige ornaşdyrylýar. Hytaý ýylda 1 milliard dozada sanjym öndürmek mümkinçiligini gazanmagy maksat edinýär. Milli saglyk komissiýasynyň işgäri Çing Kongweý metbugat ýygnagynda täze zawodlar bilen ýurduň önümçilik kuwwatyny ýylyň ahyryna çenli 610 million doza çenli ýokarlandyrmagy meýilleşdirýändiklerini we indiki ýyl 1 milliard doza sanjym öndürmek mümkinçiligine ýetmegi maksat edinýändiklerini aýtdy. Çing häzirki wagtda işlenip düzülýän sanjymlaryň giňden ulanylmaga taýýardygyny aýdyp, ilki bilen saglygy goraýyş işgärlerine, serhet işgärlerine we töwekgelçilik toparyndaky ýaşuly ilata sanjym ediljekdigini, soň bolsa giň halk üçin sanjym toparlarynyň geçiriljekdigini aýtdy.
Şeýle-de, Hytaýyň derman kärhanasy bolan “SinoVac” Pekiniň günortasynda “CoronaVac” atly COVID-19 sanjymy köpçülikleýin öndürmek üçin ýylda 500 million dozany öndürip bilýän zawod açdy. Bütindünýä saglygy goraýyş guramasynyň (BSGG) maglumatlaryna görä, Hytaýda 10 sanjymynyň kliniki synaglary dowam edýär. Bularyň 4-si birinji tapgyrda, 2-si ikinji tapgyrda we 4-si üçünji tapgyrda synag edilýär.
Dünýäde 29 sanjym kliniki synagda
Bütindünýä saglygy goraýyş guramasynyň (BSGG) maglumatlaryna görä, 22-nji sentýabrda COVID-19 pandemiýasyna garşy 38 sanjym kliniki synaglarda we 149 sanjym kliniki deslapky baha beriş tapgyrynda.
“Ýyldyzlar näme diýýär” –eger bu soragyň jogaby Sizi gyzyklandyrýan bolsa onda bu sahypamyzy yzygiderli yzarlaň!
