Türkmenistanyň daşary işler ministri Raşid Meredow Ykdysady Hyzmatdaşlyk Guramasynyň (YHG) Baş sekretary Husraw Noziri bilen duşuşdy.
Duşuşykda Türkmenistan bilen YHG-niň arasyndaky hyzmatdaşlygy has-da giňeltmegiň ileri tutulýan meseleleri we geljegi ara alnyp maslahatlaşyldy.
Taraplar söwda, ulag, maýa goýum, energetika, ekologiýa, oba hojalygy, syýahatçylyk we beýleki möhüm ugurlarda sebit hyzmatdaşlygy üçin uly mümkinçilikleri bellediler.
Şeýle hem şu ýylyň noýabr aýynda Daşkende geçiriljek YHG-a agza döwletleriň Baştutanlarynyň sammitini geçirmäge üns berildi.