Ukrainanyň “Naftogaz” topary Azerbaýjanyň SOCAR toparyna degişli “SOCAR Energy Ukraine” kompaniýasy bilen ilkinji gezek azerbaýjan tebigy gazyny satyn almak barada şertnama baglaşdy.
Bu barada “Naftogaz” kompaniýasynyň habaryna salgylanyp, “Report” habarlar gullugy habar berýär.
Kompaniýanyň maglumatyna görä, azerbaýjan gazynyň Transbalkan ugrunyň Bolgariýa–Rumyniýa–Ukraina geçelgesi boýunça synag görnüşinde ilkinji gezek eltip berlişi amala aşyryldy.
“Bu göwrümi boýunça uly bolmasa-da, strategiki taýdan möhüm ädim bolup, uzak möhletleýin hyzmatdaşlygyň ýoluny açýar. Şeýle hem bu ädim Ukraina üçin energiýa üpjünçiliginiň çeşmelerini diwersifikasiýalaşdyrmagyň we energetiki howpsuzlygyny pugtalandyrmagyň ýene bir mysalydyr” diýip, “Naftogaz” kompaniýasynyň baş direktory Sergeý Koreskiý belläp geçdi.
“Azerbaýjanly kärdeşlerimize bildirýän ynamlary üçin minnetdarlyk bildirýäris” diýip, ol aýtdy.