Türkmenistanyň wekiliýeti Azerbaýjan Respublikasynyň Baku şäherinde Azerbaýjanyň Hökümeti bilen Birleşen Milletler Guramasynyň ilatly nokatlar boýunça maksatnamasy bilen bilelikde gurnaýan Şäherleriň Bütindünýä forumynyň 13-nji mejlisine gatnaşar.
Bu barada Ministrler Kabinetiniň Başlygynyň orunbasary, daşary işler ministri Raşid Meredow sanly ulgam arkaly geçirilen Ministrler Kabinetiniň mejlisinde habar berdi.
“Watan” habarlar gepleşiginde bellenilip geçilişi ýaly, wise-premýer şu ýylyň maý aýynda geçiriljek halkara çäreler barada hasabat berdi.
Hormatly Prezidentimiz hasabaty diňläp, şu ýylyň 17-22-nji maýynda Azerbaýjan Respublikasynyň Baku şäherinde geçiriljek şäherleriň Bütindünýä forumyna ýurdumyzyň wekiliýetiniň gatnaşmagy babatda degişli işleri geçirmegiň wajypdygyna ünsi çekdi.