Russiýa Federasiýasynyň Kazan şäherindäki “KazanExpo” halkara sergi merkezinde “Russiýa-Yslam dünýäsi: KazanForum 2026” XVII Halkara ykdysady forumynyň çäklerinde “Kazan Halal Market” sergisi öz işine başlady. Bu halkara sergä Türkmenistanyň wekiliýeti hem gatnaşýar.
Tatarystanyň Baştutany Rustam Minnihanow «Kazan Halal Market» halkara ýarmarkasynyň açylyş dabarasyna gatnaşdy. Bu çäre «Russiýa – Yslam dünýäsi: KazanForum» XVII halkara ykdysady forumynyň çäklerindäki ilkinji resmi çäreleriň biridir.
Rustam Minnihanow şu günki günde halalyň diňe bir iýmit däl-de, eýsem bütin dünýäde millionlarça adamy birleşdirýän, çuňňur ruhy we medeni gymmatlyklary özünde jemleýän tutuş bir durmuş filosofiýasydygyny nygtady.
Şu ýyl bu çärä Russiýanyň 11 sebitinden we 9 sany daşary ýurtdan 100-e golaý kompaniýa gatnaşýar. Şolaryň hatarynda Türkmenistanyň wekiliýetiniň hem bolmagy guwandyryjydyr.