“Russiýa – Yslam dünýäsi: Kazan Forum2023″ atly XIV halkara ykdysady foruma gatnaşmak üçin Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewiň ýolbaşçylygyndaky wekiliýet forumyň çäklerinde “Demirgazyk-Günorta” halkara ulag geçelgesi boýunça sessiýa gatnaşdy.
Russiýa Federasiýasynyň wise-premýeri Marat Husnullin “Demirgazyk-Günorta” halkara ulag geçelgesi üçin 2022-2030-nji ýyllarda 280 milliard rubl möçberinde umumy maýa goýumlaryň gönükdiriljekdigini beleldi.
Şonuň netijesinde, onuň ýük geçirijilik kuwwaty has-da ösdüriler.
Häzirki wagtda bu geçelge 3 esasy ugra bölünýär: Günbatar – Dagystan Respublikasynyň awtoulag we demirýol ulaglary, TransHazar – Hazar deňzi, Wolga derýasy we eýran hem-de türkmen portlary, Gündogar – Gazagystanyň we Türkmenistanyň awtomobil we demirýol ulaglary arkaly.
Demirgazyk-Günorta” halkara ulag geçelgesi boýunça özara maslahatlaşmalara BAE-niň, Türkmenistanyň, Azerbaýjanyň, Eýranyň, Omanyň we beýleki ýurtlaryň wekiliýetleri gatnaşdy.