BMG-niň Ösüş maksatnamasy bilen Türkmenistanda pudagara elektron maglumat alşygy ulgamynyň ornaşdyrylmagyna ýardam bermek hakynda taslamanyň çäklerinde Türkmenistanyň Aragatnaşyk ministrligi bilen Estoniýanyň Elektron dolandyryş akademiýasynyň (E-Governance Academy) arasynda özara düşünişmek hakynda ähtnama gol çekildi.
Bu resminama döwlet dolandyryşynyň sanly özgertmeleri, şol sanda ýöriteleşdirilen bilim we maslahat hyzmatlaryny bermek ugurlarynda uzak möhletli hyzmatdaşlygy ösdürmäge gönükdirilendir.
Ähtnama gol çekmek dabarasy telekommunikasiýalar, telemetriýa, maglumat tehnologiýalary we teleradioýaýlymlar babatda geçirilen «Türkmentel-2025» atly halkara sergisiniň we ylmy maslahatynyň çäklerinde amala aşyryldy, bu bolsa bu wakanyň sanly başlangyçlary öňe sürmek we ýurduň innowasiýa ulgamyndaky mümkinçiligini güýçlendirmek üçin strategiki ähmiýetini görkezýär.
BMG-niň Ösüş maksatnamasynyň Türkmenistandaky hemişelik wekili hanym Narine Saakýan: «Biz ýurduň sanly dolandyryş ulgamyndaky mümkinçiliklerini güýçlendirmäge, bilim alyşmaga we döwlet dolandyryşynyň hem-de sanly özgertmeleriň ösüşine ýardam berýän innowasion çözgütleri ornaşdyrmaga kömek etjek bu strategiki hyzmatdaşlygyň döredilmegine ýardam berýändigimize örän şat» diýip belledi.
Ýokarda agzalan resminama gol çekilmegi BMG-niň Ösüş maksatnamasynyň Türkmenistanda sanly özgertmeleri goldamak boýunça giň gerimli maksatnamasyny durmuşa geçirmekde ýene bir ädim boldy.