Türkmenistanda metjitlerde we namazhanalarda ybadat etmegini, zyýarathanalarda sadaka bermegini, zyýarat etmegini çäklendirme möhleti uzadyldy. Türkmenistanyň Müftüsiniň müdiriýetiniň 13.07.2020 senede çykaran № 42 Ö buýrugy esasynda 2020-nji ýylyň 1-nji oktýabryna çenli uzaldylandygy mälim edildi.
Türkmenistanyň Müftüsiniň müdiriýeti Türkmenistanyň Keselleriň ýaýramagyna garşy göreşýän adatdan daşary toparynyň 26.08.2020-nji senesinde geçiren mejlisiniň teswirnamasyndaky kararlary ýerine ýetirmek maksady bilen şeýle buýrugy çykarandygy bellenilip geçildi. Bu barada Türkmenistanyň Müftüliginiň buýrugynda bellenilýär.
Türkmenistanyň Müftüligi tarapyndan ozal 13.07.2020-31.08.2020 seneler aralygynda dowam eden çäklendirme möhleti girizlipdi.
Şeýle hem mälim bolşy ýaly, ýurdumyzda otly hereketi hem 1-nji oktýabra çenli duruzyldy. Bu barada hem Türkmenistanyň “Türkmendemirýollary” agentligi mälim edipdi.
Bulardan başga-da, “Türkmenhowaýollary” agentliginiň Türkiýe döwletindäki bilet satyş wekilhanasyny bolup durýan Hakim Turizm Akyıldızlar Dış Ticaret Ltd şereketine salgylanyp Türkmenistanyň Stambul gatnawynyň 1 Oktýabr 2020 senesine çenli togtadylýandygyny habar beripdik.
Mundan başga-da, “Türkmenhowaýollary” agentliginiň Russiýadaky wekilhanasynyň https://turkmenistanairlines.ru internet saýtynda bellenilişi ýaly, halkara howa gatnawlary 30-njy sentýabr 2020-nji senesine çenli ýatyrylýandygy mälim edilipdi.
Degişli habarlar:
Otly gatnawlarynda täze möhlet
Aşgabat-Stambul uçar gatnawlarynda täze möhlet
