Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilmeginiň dört ýyllygy mynasybetli Arkadag şäherinde ýaýbaňlandyrylan dabaralaryň çäklerinde «Parahatçylyk we ynanyşmak ýyly: çagalaryň hatyrasyna halkara işiniň ösüşi» atly halkara maslahaty geçirildi.
Halkara maslahaty Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa alyp bardy. Maslahata halkara guramalaryň wekillerinden 100-e golaýy gatnaşdy. Maslahatda çykyş eden myhmanlar haýyr-sahawat gaznasynyň alyp barýan işlerine ýokary baha berdiler.
Halkara maslahatyň dowamynda birnäçe degişli resminamalara gol çekildi.
- Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy bilen BMG-niň Çagalar gaznasynyň Türkmenistandaky wekilhanasynyň arasynda hyzmatdaşlyk etmegiň meýilleri hakynda, BMG-niň Çagalar gaznasynyň Türkmenistan boýunça 2021 — 2025-nji ýyllar üçin Ýurt boýunça maksatnamasyny durmuşa geçirmek babatda Türkmenistanyň Adalatçysynyň diwany bilen Türkmenistanyň Bilim ministrligi bilen BMG-niň Çagalar gaznasynyň «Ýaşyl mekdep» bilelikdäki maksatnamasyna, BMG-niň Çagalar gaznasynyň Türkmenistan boýunça 2021 — 2025-nji ýyllar üçin Maksatnamasyny durmuşa geçirmek babatda Türkmenistanyň Maliýe we ykdysadyýet ministrligi bilen BMG-niň Çagalar gaznasynyň Türkmenistandaky wekilhanasynyň 2025-nji ýyl üçin Iş meýilnamasyna, Türkmenistanyň Tennis Federasiýasy bilen BMG-niň Çagalar gaznasynyň arasynda özara düşünişmek hakynda Ähtnama gol çekildi.