Şu gün sanly ulgam arkaly geçirilen Ministrler Kabinetiniň mejlisinde ýurdumyzyň ýokary okuw mekdeplerinde geçirilmegi meýilleşdirilen sanly bilim olimpiadalary barada hasabat berildi.
“Watan” habarlar gepleşiginde bellenilişi ýaly, şu ýylyň 15-nji martynda Türkmen döwlet binagärlik-gurluşyk institutunda Materiallaryň garşylygy dersi boýunça 2-nji halkara açyk internet olimpiadasy, 27-nji mart-1-nji aprel aralygynda Türkmenistanyň Döwlet energetika institutynda Nazary mehanika dersi boýunça 2nji açyk halkara olimpiadasyny, 12-13-nji apreli aralygynda Döwletmämmet Azady adyndaky. Türkmen milli dünýä dilleri institutynda iňlis dili dersi boýunça 2-nji halkara internet olimpiadasyny geçirmek teklip edilýär.
Meýilleşdirilýän halkara internet olimpiadalayrna ýurdumyzyň talyplary bilen bir hatarda Ýewraziýa döwletlerinden, Demirgazyk we Günorta Amerika ýurtlaryndan, şeýle hem dünýäniň beýleki sebitlerinden onlara döwletlerden talyplaryň gatnaşmagyna garaşylýar.