Amerikanyň Birleşen Ştatlarynyň Içerki Howpsuzlyk Departamenti (DHS) tarapyndan 2023-nji maliýe ýyly üçin neşir edilen “Entry/Exit Overstay Report Fiscal Year 2023 Report to Congress” resmi hasabatyna görä, Türkmenistanyň raýatlary ABŞ-da wiza möhletinden artyk galan ýagdaýlary boýunça san taýdan dünýäniň iň az düzgün bozan ýurtlarynyň hatarynda ýerleşýär.
Türkmenistan dünýä derejesinde diňe 0,05% paý bilen örän pes derejede düzgün bozýan ýurt hökmünde kesgitlenýär. Geliň “Visa Waiver Program” girmeýän ýurtlar boýunça Amerikanyň Birleşen Ştatlarynyň Içerki Howpsuzlyk Departamenti (DHS) tarapyndan 2023-nji maliýe ýyl üçin (FY 2023) neşir edilen resmi hasabaty seljereliň:
1. Syýahat we Iş Wizalary (B1/B2)
- Dünýäde wiza möhletini bozan syýahatçylar: 314 110 adam
- Türkmenistandan bozan: 142 adam
- Türkmenistanyň paýy: %0,045
Bu san bilen Türkmenistan, san taýdan örän pes derejede düzgün bozýan ýurtlar bilen deň derejede durýar:
2. Talyp alyş-çalyş maksatnamalary (F/M/J)
- Dünýäden galp galan talyplar: 49 414 adam
- Türkmenistandan galp talyplar: 45 adam
- Türkmenistanyň paýy: %0,09
Bu bolsa Türkmenistany dünýäniň iň az düzgün bozan ýurtlarynyň biri hökmünde görkezýär. Ýüzdelik görnüşde görkeziji (21,74%) ýokary görünýär, ýöne bu diňe 207 talyp bilen çäklendirilen jemgyýetde 45 adam galp galanlygy sebäpli ýüze çykýar.
3. Umumy Syn (Syýahatçy + Talyp)
- Dünýäde jemi wiza düzgünini bozanlar: 363 524 adam
- Türkmenistandan jemi düzgün bozan: 187 adam
- Türkmenistan paýy: %0,051
Bu maglumat Türkmenistan raýatlarynyň ABŞ’daky wiza düzgünlerini bozmak boýunça dünýä derejesinde örän az paý alýandygyny görkezýär.
Netije:
Türkmenistan göterim babatda ýokary ýaly görünse-de:
- B1/B2 (syýahatçy/iș) wiza bozulmalarynda dünýäniň diňe %0,045-i,
- F/M/J (talyp) wiza bozulmalarynda diňe %0,09-y,
- Umumy ýagdaýda bolsa diňe %0,051-i türkmen raýatlaryndan gelip çykýar.
Türkmenistan san taýdan hem diňe 142 (syýahatçy) + 45 (talyp) = 187 adam bilen, dünýäniň iň az düzgün bozýan ýurtlarynyň hatarynda durýar. Bu san bilen Türkmenistan, käbir wizadan boşadylan ýurtlaryndan (VWP) hem pes görkeziji bolup durýar.