Şu gün döwlet Baştutanymyz Ýewropada Howpsuzlyk we Hyzmatdaşlyk Guramasynyň Baş sekretaryny kabul etdi. Duşuşykda myhman hormatly Prezidentimize Türkmenbaşy Halkara deňiz portuna «EcoPorts» derejesiniň berlendigi hakyndaky güwänamany gowşurdy.
Hemmämize mälim bolşy ýaly, Türkmenbaşy Halkara deňiz porty häzirki wagtda gündogar bilen günbataryň arasynda söwda akymlaryny işjeňleşdirmekde döwrebap hyzmatlary bilen mümkinçilikleriň uly toplumyny özünde jemleýär. Bu innowasion port söwda-aragatnaşygynda Aziýa yklymyndan göni Ýewropa çykalga bolmak bilen, umumadamzadyň bähbidine gönükdirilen möhüm desgadyr. Türkmenistan ulag-üstaşyr ýükleri geçirmekde halkara hyzmatdaşlygyny yzygiderli ösdürýär.
Ýokary derejedäki güwänamanyň gowşurylmagy bolsa, bu sanlylaşdyrylan portuň dünýäde uly meşhurlyga eýe bolýandygyny görkezýär.
Türkmenbaşy Halkara deňiz portuna «EcoPorts» güwänamasy gowşuryldy
